उदयपुर, साउन ३१।
कोशी टप्पु वन्यजन्तु आरक्षबाट निस्केको जंगली हात्तीको आक्रमणमा परी बुधबार बिहान उदयपुर जिल्लाको बेलका नगरपालिका-३ स्थित खैरेनी टप्पुमा १ जनाको मृत्यु भएको छ ।
मृत्यु हुनेमा उदयपुर बेलका नगरपालिका-३ खैरेनी टप्पु बस्ने वर्ष ३५ को राम कुमार सार्की रहेका छन् ।
जंगलबाट निस्केको हात्तीले बुधबार बिहान ४ बजे आफ्नै घरमा सुती रहेका सार्कीलाई उठाएर अन्दाजी ५० मिटर पर लगेर पछार्दा उनको घटनास्थलमै मृत्यु भएको ईलाका प्रहरी कार्यालय रामपुर ठोक्सिलाले जनाएको छ ।
