ताप्लेजुङ , साउन ३१ । पछिल्लो समय हाम्रो समाजमा विभिन्न अपराधिक घटनाहरुले तीब्रता लिएको छ । केही साता अघि मात्रै आफ्नै बुबा, हजुरआमा र सौतेनी आमा मिलेर छोरीलाई मट्टितेल खन्याएर जलाएको समाचार आएको थियो । साथै एक युवतीलाई बलात्कार गरि हत्या गरिएको समाचार पनि आएको थियो ।
त्यसका साथै केही दिन अघि मात्रै पनि ११ वर्षीय निशान खड्काको अपहरण पछि हत्या र ती हत्यारालाई प्रहरीले गरेको इन्काउन्टरको समाचार राम्ररी नसेलाउँदै अर्को एक निर्दयी आमाको समाचार पनि सार्वजनिक भएको छ ।
यो घटना ताप्लेजुङको पाथिभरा याङबरक वडा नम्बर २ को हो । जहाँ आफ्नै निर्दयी आमाले दुई छोरीको निर्मम हत्या गरेकी छन् । कमला नामकी ती निर्दयी आमाले आफ्नो दुवै छोरीलाई शौचालयभित्रको दिशामा डुबाइएर हत्या गरेकी हुन् ।
कमलाकी एक छोरीको उपचारका क्रममा मृत्यु भएको हो तर अर्की छोरीको शव भने शौचालयको सेफ्टी ट्यांकीमा फेला पारिएको हो । अहिले कमला भने फरार रहेकी छन् ।
कमला एक वर्षदेखि आफ्ननो जुम्ल्याहा छोरीका साथ माइतीघरमा बस्दै आएकी थिइन् । कमलाको बिहे भने इलामका एकजना ड्राइभरसँग भएको थियो । तर कमला भने आफ्नो माइतमै बस्दै आएकी थिइन् ।
ती कमलाकी आमाले बताए अनुसार दुवै छोरीलाई लिएर उनी घरबाट बाहिशर निकेकी थिइन् । कच्ची शौचालयको सेफ्टी ट्यांकीभित्र बच्चा रोएपछि उनीहरुले छिमेकीलाई गुहार गरेका थिए । त्यहाँका स्थानीयले सो शौचालयबाट एक बच्चीलाई जीवितै मलमूत्रले लत्पतिएको अवस्थामा उद्दार गरेका थिए ।
अहिले प्रहरीले कमलाको खोजी गरिरहेको छ । (न्युज २४)
