विराटनगर, ८ भदौ ।
धरानमा वृद्धि भएको करको समायोजन गर्नु पर्ने माग गर्दै नेपाली कांग्रेसले हस्ताक्षर संकलन शुरु गरेको छ ।
नेपाली कांग्रेस धरान नगर समितिले आर्थिक वर्ष २०७५÷७६ का लागि बढाएको कर समायोजन गर्न दबाब दिदै धरानका २० वटै वडामा हस्ताक्षर संकलन गरिने जनाएको छ । भदौ १२ गते सम्म हस्ताक्षर संकलन गरि १३ गते धरान उपमहानगरपालिकालाई बुझाउने भएको छ । काग्रेसले अवैज्ञानिक कर समायोजन गर्न धरान उपमहानगरपालिकालाई १३ गते सम्मको अल्टिमेटम दिएको छ । धरान उपमहानगरपालिकाको भौगोलिक, आर्थिक अवस्थालाई अध्ययन गरि करको समायोजन गरिनुपर्ने उनीहरुले माग गर्दै आएका छन् ।
