सुनसरी, ११ भदाै । सुनसरी जिल्लाको भोक्राहा गाउँपालिका-७ स्थित भित्री सडक खण्डमा सोमबार दिउँसाे सिटी सफारीको ठक्करबाट १ बालक घाइते भएका छन् । घाइते हुनेमा जिल्ला सुनसरी भोक्राहा गाउँपालिका-७ बस्ने विजय मण्डलको छोरा वर्ष १० को कुन्दन मण्डल रहेका छन् । कुन्दनलाई बाटोमा खेल्दै गर्दा अनटेष्ट लेखिएको सिटि सफारीले ठक्कर दिएको हो । सिटी सफारीको ठक्करबाट घाइते भएका बालकको एम्स अस्पताल विराटनगरमा उपचार भईरहेको छ भने सिटी सफारी सहित चालक जिल्ला प्रहरी कार्यालय सुनसरीमा राखिएको छ ।
