विराटटनगर, १२ भदाै । चर्चित ३३ किलो सुनकाण्ड र शनम शाक्य हत्याका मुख्य अभियुक्त चूडामणि उप्रेती 'गोरे' ले केन्द्रीय कारागार सुन्धारा स्थित गोलघर भित्रै आत्महत्याको प्रयास गरेका छन्। कारागार स्रोतका अनुसार 'गोरे'ले केही साता अघि आफैले लगाएको सर्टले घाटीमा बाधेर पासो लगाएका हुन्। उनी कहिलेकाही अझै तनावमा आएको बेला टाँउको भित्तामा ठोक्ने गरेको कारागार स्रोतको भनाई छ।
'गोरेसंग कहिलेकाही भेट हुँदा उनी अझै रबाफिला कुरा गर्छन्,' स्रोतले भन्यो। केही महिना अघि गोरेको मानसिनक अवस्थामा समस्या आएको भन्दै कारागाभित्रकै अस्पतामा चेक जाँच समेत गरिएको थिए। जेठ २८ मा सुनसरीको झुम्का कारगारबाट ‘गोरे’ लगायत राष्ट्रिय प्रजातन्त्र पार्टी (प्रजातान्त्रिक) का नेता भुजुङ गुरुङ र छिरिङ वाङगेल घलेलाई काठमाडौं लगिएकाे थियो। उनीहरुको सम्पत्ति अनुसन्धानको लागि सम्पति सुद्धिकरण विभागले काठमाडौं झिकाएको थियो। २०७४ माघ ७ मा त्रिभुवन विमानस्थलबाट ३३ किलो सुन काठमाडौं भित्र्याएर पनि गायब भए पछि शनम शाक्यको हत्या भएको थियो।
सोही अभियोगमा नेपाल प्रहरीका पूर्व प्रहरी नायव महानिरीक्षक गोबिन्द निरौला, बहालवाला वरिष्ठ प्रहरी उपरीक्ष श्याम खत्री, दिवेश लोहनी गरी अाधा दर्जन प्रहरी अधिकारी पक्राउ परेका थिए। हाल उनीहरु सुनसरीको झुम्का कारागारका पुर्पक्षका लागि थुनामा रहेका छन्। स्राेत:थाहा खबरबाट
