धनकुटा भदौ १३ । धनकुटामा पहिलो पटक स्पर्श हेल्थ होम फिजियोथेरापी एन्ड रिह्याविलिटेसन सेन्टर संचालनमा आएको छ ।
कोशी पहाडी जिल्लाहरु धनकुटा, भोजपुर, संखुवासभा र तेह्रथुमका बिरामीलाई सेवा दिने उद्देश्यका साथ धनकुटामा स्पर्श हेल्थ होम फिजियोथेरापी एण्ड रिह्याविलिटेसन सेन्टर सञ्चालनमा ल्याइएको हो ।
सेन्टर सञ्चालनमा धनकुटाका स्थानीय युवाको पहलमा करिब २० लाख रुपैयाँ लगानी गरिएको छ ।
यो सेन्टरमा गर्धन दुख्ने, ढाड दुख्ने, कम्मर दुख्ने, नशा च्यापिएको, प्यारालाईसिसलगायतका रोगको उपचार गरिने बताइएको छ ।
यसअघि थेरापी गर्नकै लागि धनकुटासहित कोशी पहाडका बासिन्दा धरान, इटहरी, विराटनगरलगायतका ठूला शहरमा जानुपर्ने बाध्यता थियो ।
