विराटनगर, २० भदौ । एक नम्बर प्रदेशसभा बैठकले विपद् ब्यवस्थापन सम्बन्धमा बनेको विधेयक पारित गरेको छ ।
प्रदेश सभाको बैठकले सर्वसम्मत रुपमा विधेयक पारित गरेको हो । प्रदेश भित्र हुन सक्ने प्राकृतिक र मानविय विपद्को जोखिम कम गर्न, विपद्पछि उद्धार, राहत र पुनस्र्थापनका लागि सरकारले विधेयक संसदमा पेस गरेको थियो । विधेयक माथि कुनैपनि संसोधन नपरेकाले प्रदेशसभाको पुर्ण बैठकले दफावार छलफल बिनै विधेयक पारित गरेको हो । प्रदेशसभा बैठकको शुन्य समयमा बोल्दै सांसदहरुले जितिया पर्वमा थारु समुदायलाई विदा दिन र कोशी अञ्चल अस्पतालको क्षमता विस्तार गर्न माग गरेका थिए ।
सांसद सुनिताकुमारी चौधरीले जितिया पर्वमा सार्वजनिक विदा दिन प्रदेश सरकारसंग माग गरे । अर्की सांसद साबित्रा रेग्मीले कोशी अञ्चल अस्पतालको क्षमता कम हुदा विमारीले सास्ती पाएको भन्दै २० बेडको आइसियुको निर्माण गन सरकारसंग माग गरिन ।
