झापा, २१ भदाै । झापाको मेचीनगर नगरपालिका-९ स्थित मागुरमाडीमा बिहिबार एउटा जंगली हात्ती मृत अवस्थामा भेटिएको छ । मेचीनगर नगरपालिका-९ मागुरमाडी स्थित धान खेतमा स्थानीयले मृत अवस्थामा देखेपछि ईलाका प्रहरी कार्यालय धुलाबारीमा जानकारी गराएका हुन् । घटनास्थलमा गएकाे प्रहरी टोलीले नजिकै विजुलीको तार रहेको हुँदा जंगलबाट निस्केको हात्तीलाई करेन्ट लागेर मरेको हुन सक्ने अनुमान लगाएकाे छ । घटना बारे ईलाका वन कार्यालयलाई जानकारी गराईएकाे थियाे ।
