प्रेम देवान
विराटनगर, २४ भदौ । विराटनगर महानगरपालिका वितिय व्यावस्थापन महाशाखाका खरिदार र कार्यलय सहयोगीले सेवाग्राहीबाट घुस लिएको आरोपमा अख्तियार आयोगको टोलीले पक्राउ गरेको छ ।
[caption id="attachment_64084" align="alignnone" width="1280"]
अख्तीयार दुरुपयोग अनुसन्धान आयोग क्षेत्रिय कार्यालय इटहरीले पक्राउ परेका दुवैलाई सोधपुछ गर्दै
तस्वीरः प्रेम देवान[/caption]
महाशाखाका खरिदार तिलकमणि पोखरेल र कार्यलय सहयोगी बुधलाल सरदारलाई आईतबार महानगरपालीकाको राजश्व महाशाखाबाट फक्राउ गरेको हो ।
विराटनगर ७ की मीना शाक्यबाट घरजग्गा कर तिर्ने बिषयमा घुस लिएको आरोपमा दुवैलाई अख्तीयार दुरुपयोग अनुसन्धान आयोग क्षेत्रिय कार्यालय इटहरीले पक्राउ गरेको हो । अख्तियार आयोगबाट उमेश अधिकारीको नेतृत्वमा आएको ७ सदस्यीय टोलीले पक्राउ गरेको छ ।
कार्यलय सहयोगी बुधलालले पोखरेलको टेवलमा मीनाबाट लिएको ८५ हजार रुपैया बुझाउदै गर्दा महानगरपालीकाका मेयर भीम पराजुली र वडा नम्बर ७ का वडा अध्यक्ष मधुबाबु तिवारीले रंगेहात पक्राउ गरेका थिए ।
मीनाबाट ८५ हजार रकम लिएर ७३ हजार ५५५ रुपैया राजस्व काटेर ११ हजार ४ सय ४५ रुपैया पोखरेलले राखेका थिए ।
पक्राउ परेका दुवै कर्मचारीलाई महानगरपालीकाले निलम्बन गर्ने जनाएको छ । सोमबार बोर्ड बैठक बसेर दवैले घुस लिएको अख्तियारको छानविन समितीले पत्ता लगायो भने निलम्बन गरिन सकिने मेयर भीम पराजुलीलले जानकारी दिए ।
बोर्ड बैठक बसेर आन्तरिक छानविन समिती बन्छ, त्यसपछि छानविन समितीले निर्कष निकाले पछि दुवैलाई निलम्बन गर्न सक्ने पराजुलीले बताए । उता पक्राउ परेका दुवै कर्मचारीले भने आफूहरुलाई नियोजित रुपमा फसाइएको बताएका छन् ।
