इलाम भदौ २५ । मेची राजमार्गअन्तर्गत इलामको रोङ गाँउपालिका–४ जोरकलशमा पहिरो जाँदा सडक अवरुद्ध भएको छ । रातभरि परेको अविरल बर्षापछि आएको पहिरोले सडक अवरुद्ध भएको हो ।
सडक अवरुद्ध हुँदा इलाम, पाँचथर, ताप्लेजुङलगायत क्षेत्रमा आउने तथा जाने करिब तीन दर्जन सवारीसाधन रोकिएका छन् ।
बिहान ९ बजेबाट सुरु भएको पहिरोबाट मोटरसाइलक समेत रोकिएको ट्राफिक प्रहरीले जानकारी दिएका छन् । पहिरो पन्छाउन जेसिबी आए पनि पहिरो खस्ने क्रम जारी रहेकाले राजमार्ग सञ्चालन गर्न समस्या भएको जनाइएको छ ।
