बिराटनगर असोज १२ , सुनसरीको दुहवीमा दुहवी जेसिजले मिनि म्याराथन प्रतियोगिता आयोजना गर्ने भएको छ । असोज १३ गते शनिवार हुने मिनि म्याराथुन प्रतियोगितामा २०० जनाले भाग लिन सक्ने जानकारी आयोजकले दिएको छ ।
“स्वस्थ्य मुटुकालागि दौड“ भन्ने मूल नाराकासाथ बिश्व मुटु दिवसको अवसर पारेर आयोजना गर्न लागिएको मिनि म्याराथुन दौड प्रतियोगिताको प्रथम हुने खेलाडीलाइ ११ हजार १ सय, दोश्रो हुने ८ हजार १ सय र तृतिय हुनेलाइ ५ हजार १ सय तथा मेडल प्रदान गरिने दुहवी जेसिजकी अध्यक्ष कञ्चन झाले बताइन ।
मिनि म्याराथन प्रतियोगितामा भाग लिन २०० को रजिस्टेसन रहेको जनाएको छ । शनिवार हुने मिनि म्याराथन प्रतियोगिता पछी दुहवीका यूवाहरुलाइ लाइफगार्ड अस्पतालको सहकार्यमा स्वस्थ्य मुटु समन्धी जनचेतनामूलक कार्यक्रम समेत गरिने आयोजकले जनाएको छ ।
