उदयपुर, १२ असाेज । उदयपुरको त्रियुगा नगरपालिका-१६ बेल दोभानको जंगलमा मानव कंकाल फेला परेको छ । आज दिउँसो स्थानीय ब्यक्तिहरु उक्त जंगलमा दाउरा खोज्ने क्रममा मानव कंकाल देखेपछी प्रहरीलाई खबर गरेका थिए । सोही आधारमा जिल्ला प्रहरी कार्यालय उदयपुरबाट खटिएको प्रहरी टोलीले घटनास्थलमा आवश्यक कानूनी प्रकृया पुरा गरी कंकाललाई जिल्ला अस्पताल उदयपुर लगेको जिल्ला प्रहरी कार्यालय उदयपुरले जनाएकाे छ ।
