उदयपुर, १२ असाेज । उदयपुरको रौतामाई गाउँपालिका-६ चिसापानीमा माटो लिन गएकी एक महिलाको माटोले पुरिएर मृत्यु भएको छ । आज दिउँसो घर पोत्ने माटो लिन गएकी बर्ष-५९ की मधुमाया रायमाझीको माटोले पुरिएर मृत्यु भएको अवस्थामा स्थानीयहरुले देखेपछि प्रहरीमा खबर गरेका थिए । घटनाबारे खबर पाउनासाथ प्रहरी चौकी रौतामाईबाट गएकाे प्रहरी टोलीले अनुसन्धान गरेकाे जिल्ला प्रहरी कार्यालय उदयपुरले जनाएको छ ।
