पाँचथर, १७ असाेज । जबरजस्ती करणी गरेको आरोपमा पाँचथरबाट प्रहरीले १ युवकलाई पक्राउ गरेको छ । गत असोज १३ गते पाँचथर फिदिम नगरपालिका-१२ बस्ने २६ बर्षीया युवतीलाई जबरजस्ती करणी गरेको आरोपमा सोही स्थान बस्ने बर्ष १९ को सुमन केरुङलाई पक्राउ गरेको हो । केरुङले रातको समयमा युवतीको घरमा गई मोबायलमा भएको फोटो देखाउने बहाना बनाई जबरजस्ती करणी गरेर फरार भएका थिए । युवतीले दिएको उजुरीको आधारमा केरुङलाई खोजतलास गर्ने क्रममा गाउँघरमै लुकीछिपी बसिरहेको अवस्थामा फेला पारी पक्राउ गरिएको प्रहरीले जानकारी दिएकाे छ । पक्राउ परेका केरुङलाई जिल्ला प्रहरी कार्यालय पाँचथरमा राखी थप अनुसन्धान भईरहेको छ ।
