सप्तरी असोज १९ । सप्तरीमा बोक्सी भन्दै अमानवीय व्यवहार गरेको आरोपमा दुई जनालाई प्रहरीले नियन्त्रणमा लिएको छ । विष्णुपुर गाउँपालिका–३ का ५१ वर्षीया पारुल माली, सोही ठाउँकी ३३ वर्षीया अनुरागीदेवी मालिन र ३३ वर्षीया सुनितादेवी मालिनलाई बोक्सी भन्दै कुटपिट गरेको आरोपमा सोही ठाउँका ४५ वर्षीय सियाराम यादवलाई प्रहरीले पक्राउ गरेको हो ।
गत भदौ ३० गते यादवसहित उनका परिवारले बोक्सीको आरोप लगाई स्काभेटरले घर भत्काएर गाउँ निकालाको प्रयास गरेको पीडित अनुरागीदेवीले बताए । पक्राउ परेका यादवले जग्गा विवादमा आपसमा भएको झगडालाई अर्कै रुप दिई झुठा उजुरी दर्ता गरिएको बताए ।
