बिराटनगर, १९ असाेज । एक नम्बर प्रदेश प्रहरी कार्यालय विराटनगरले आयोजना गरेको 'क्यामेरा संचालन तथा समाचार सम्प्रेषण' सम्बन्धि २ दिने अनुशिक्षण तालिम समापन भएको छ । १ नम्बर प्रदेशको १४ जिल्लामा प्रहरीले गरेको काम कारवाहीलाई संचार माध्यम मार्फत प्रकाशन तथा प्रसारण गरि सूचनाको पहुँच नागरिक समक्ष पुर्याउने उदेश्यले ३० जनालाई समाचार लेखन सम्बन्धि तालिम दिएकाे हाे । प्रदेश प्रहरी कार्यालय विराटनगरले १४ जिल्लाका सबै जिल्ला प्रहरी कार्यालयमा कार्यरत ३० जना प्रहरी कर्मचारीहरुलाई समाचार लेखन तथा क्यामेरा संचालन सम्बन्धि प्रशिक्षण दिएको थियो । आमा अनलाईन टिभिको सहकार्यमा झापाको चन्द्रगढीमा आयोजना गरिएको कार्यक्रममा टिभीका सम्पादक शेषराज भट्टराई, दृष्य सम्पादन प्रमुख प्रदिप वस्नेत र टिकाराम नेती नेपालले प्रशिक्षण दिएका थिए ।
