ईटहरी, २४ असोज ।
सुनसरीको इटहरीको मुख्य बजार क्षेत्रमा केही दिन यतादेखि मानिसहरुलाई हानेर घाइते वनाउदै आएको साँढे गोरु नियन्त्रणमा लिइएको छ । केही दिन देखि मानिसहरुलाई घाइते वनाउदंै आएको सो साँढे गोरुलाई इटहरी उपमहानगपालिकाको सक्रियतामा नियन्त्रणमा लिइएको हो । साँढेले मान्छेहरुलाई घाइते वनाउदै आएको गुनासो बढेपछि नियन्त्रणमा लिएको वडा नम्वर ६ का वडाध्यक्ष दिपक गौतमले जानकारी दिए। नियन्त्रणमा लिएको साँढेलाई कोशी टप्पु क्षेत्रको जगंलमा लगेर छोडिने गौतमले बताए । गत वर्ष पनि इटहरी क्षेत्रमा एक साँढेको आक्रमणबाट एक जनाले ज्यान गुमाएका थिए भने केही व्यक्तिहरु घाइते भएका थिए ।
