दमौली कार्तिक २ : दसैंको बिदा मनाउन ड्युटी सकेर हिँडेका एक ट्राफिक प्रहरीका सवारी दुर्घटनामा मृत्यु भएको छ।
धादिङमा कार्यरत तनहुँ भानु–४ निवासी ट्राफिक प्रहरी हवल्दार भरतराज बाँस्तोला सवार बा ५३ प ४०७८ नम्बरको मोटरसाइकल आँबुखैरेनीस्थित पृथ्वी राजमार्गमा ना ५ ख ३८१४ नम्बरको बससँग ठोकिँदा दुर्घटनामा परेको थियो।
दुर्घटनामा घाइते बास्तोलाको उपचारका क्रममा बुधबार साँझ भरतपुरको पुरानो मेडिकल कलेजमा ज्यान गएको जिल्ला प्रहरी कार्यालय तनहुँले जनाएको छ।
