बिराटनगर कार्तिक ११ , मोरङको सुन्दरहरैंचा–१ पचामस्थित विराटनगर विराटचोक सडक खण्डमा एम्बुलेन्स आफैँ अनियन्त्रित भई बिजुलीको पोलमा ठोकिँदा एकजनाको मृत्यु भएको छ। विराटचोकबाट विराटनगरतर्फ जाँदै गरेको को १ च ४०१८ नम्बरको एम्बुलेन्स दुर्घटना भएको हो। दुर्घटनामा परी मृत्यु हुनेमा एम्बुलेन्समा सवार उदयपुर रिस्कु–३ को २८ वर्षीय सुरज दनुवार रहेका छन्।
दुर्घटनामा परी घाइते भएका उनको गोल्डेन अस्पताल विराटनगरमा उपचारकै क्रममा मृत्यु भएको हो। दुर्घटनामा परी एम्बुलेन्स चालक मोरङ कटहरी–७ थालाहाका श्रीधर न्यौपाने सामान्य घाइते भएका छन्।
