सुनसरी, १६ कात्तिक।
समुदाय प्रहरी साझेदारी’ कार्यक्रम अन्तर्गत इटहरी उपमहानगरपालिका र जिल्ला प्रहरी कार्यालय सुनसरी बीच सहमति पत्रमा हस्ताक्षर भएको छ । उपमहानगरपालिकामा भएको एक कार्यक्रममा नगर प्रमुख द्धारिकलाल चौधरी र एसपी राजन अधिकारी बिच सहमति भएको हो । सहमति पत्रमा हस्ताक्षर भए पछि मेयर चौधरीले सबै नागरिक बिना बर्दीको प्रहरी भएको भन्दै समुदायमा शान्ति स्थापना गर्न आ–आफ्नो क्षेत्रबाट भूमिका निर्वाह गर्नुपर्ने बताए । समाजमा अपराध गर्ने मात्र दोषी नभएको भन्दै अपराध लुकाउने पनि उत्तिकै दोषि रहेको उनले बताए । जिल्ला प्रहरी प्रमुख अधिकारीले टोलस्तरसम्म पुुगेर दिगो र दीर्घकालीन सहकार्यमार्फत समुुदायमा शान्ति निर्माण गर्ने भूमिका खेल्नुपर्ने बताए ।
