प्रेम देवान
विराटनगर १६ कातिक । यस पटकको दोस्रो संस्करणको मिस नेवा कोशी २०१८ को ग्राण्ड फिनाले भोली शनिबार विराटनगरको नमस्कार होटलमा हुदैछ । यसका लागी सम्र्पुण तयारी पुरा भईसकेको आयोजकले जनाएको छ ।
फाइनलमा पुगेका १३ जना स्प्रधीहरुले भोली शनिबार बेलुकी आ– आफ्नो प्रस्तुति देखाउने भएका छन् । स्प्रधीहरुले यस अघि आ– आफ्नो ट्यालेन्ट देखाईसकेका छन् । उनीहरुले साँस्कृतिक नृत्य, गायन लगायतको विभिन्न प्रतिभा देखाईसकेका छन् ।
नेवारी सामुदायमा रहेको किशोरीहरूको प्रतिभा प्रस्फुटन गर्ने उद्देश्यका गत बर्षदेखि मन्जिना मूभिज क्रियएसनले मिस नेवा आयोजना गर्दै आएको छ ।
भोली हुने ग्राण्ड फिनालेमा नेवारी समुदायको लाखे नाचबाट सुरुवात गरीने मन्जिना मूभिज क्रियएसनका डाईरेक्टर जतिन ताम्राकारले आवर विराटनगरलाई जानाकारी दिए । ग्राण्ड फिनालेमा नायिका संचिता लुईटेल, गायक सुमित खड्का, प्रस्ना शाक्य र विराटनगरमा रहेको टच डान्स स्टुडियोका कलाकारहरुको प्रस्तुति रहने ताम्राकारले ओवीलाई बताए ।
प्रतियोगिताको फाइनलमा विराटनगरकी मनिषा शाक्य, आस्मा तुलाधार, तमना श्रेष्ठ, रुजा शाक्य, सृजना श्रेष्ठ, सुधा श्रेष्ठ, नियती प्रधान, आर्जु श्रेष्ठ, स्नेहा श्रेष्ठ, स्वेक्षा ताम्राकार, भोजपुरकी रुहीना प्रधान, बेलबारीकी चेलीना श्रेष्ठ र एलिना श्रेष्ठले स्प्रर्धा गर्ने भएका छन् । ।यस प्रतियोगीताको अनलाईन मिडिया पार्टनर आवर विराटनगर रहेको छ ।
