झापा, २५ कात्तिक। झापाको दमक नगरपालिका-२ बाट शनिवार गोलिया काठ सहित १ जनालाई पक्राउ गरिएको छ । इलाका प्रहरी कार्यालय दमकबाट खटिएको टोलीले उत्तरबाट दक्षिण तर्फ जाँदै गरेको मे १ त २५५२ नम्बरको ट्याक्टरमा लोड गरेर लैजाँदै गरेको अवस्थामा ३३ थान सिसौको गोलिया काठ बरामद गरेको हो । काठ सहित ट्याक्टरका चालक ईलाम चुलाचुली गाउँपालिका-२ बस्ने बर्ष २० धिराज धिमाललाई आवश्यक अनुसन्धानको लागि इप्रका दमकमा राखिएको छ ।
