सोलुखुम्बु, २६ कात्तिक। सोलुखुम्बुको खुम्बु-पासाङल्हामु गाउँपालिका- ४ दिङबुचेमा १ जना मलेसियन नागरिकको मृत्यु भएको छ । मृत्यु हुनेमा मलेसियन नागरिक बर्ष ४३ की वङ्ग वेन दी नाम गरेकी महिलाको मृत्यु भएको जिल्ला प्रहरी कार्यालय सोलुखुम्बुले जनाएको छ । आइतबार विहान भ्रमणको लागि ४ जनाको समूहमा सोलु पुगेका उनीहरु दिङबुचे स्थित गुडलक होटलमा बास बसेकोमा सुतेकै ठाउँमा मृत अवस्थामा फेला परेकी थिईन । घटनाको जानकारी पाउनासाथ तत्काल पुगेकाे प्रहरी टाेलीले कानूनी प्रकृया पुरा गरी शव पोष्टमार्टमको लागि सोमबार बिहान हेलिकाेप्टरद्वारा शिक्षण अस्पताल काठमाण्डौ पठाईएको छ ।
