पाँचथर, २९ कात्तिक। किरात राई संस्कृतिमा आधारित नेपाली चलचित्र ‘सायाबुङ’ निर्माण सम्पन्न भएको छ । यो चलचित्रलाई सेन्सर बोर्डले सबैले हेर्न मिल्ने युनिभर्सल सर्टिफिकेट प्रदान गरेको छ । यो चलचित्रका लेखक÷निर्देशक भगिराज राई हुन् । सायाबुङमा पूर्वी नेपालको उच्च पहाडी भेगमा गोठ बस्ने परम्परालाई उतारिएको निर्देशक राईले बताए । अब चलचित्रलाई चाँडै रिलिज गर्ने पनि उनले जानकारी गराए । दि पाल्म ग्रुप प्रालिको ब्यानरमा निर्मित यो फिल्मलाई साया बान्तावा राईले निर्माण गरेका हुन् । जसमा किरात राई जातिको संस्कार र संस्कृतिलाई पनि देखाइएको छ ।चलचित्रमा सौजन सुब्बा, निशा राई, सगुन सुसारा, साया बान्तवा राईलगायतले अभिनय गरेका छन् । पाँचथर, काठमाडौं र भारतको आसाम, मणिपुरलगायतका स्थानमा छायांकन गरिएको चलचित्रलाई देवजंग थापाले खिचेका हुन् ।
