धरान, १ मंसिर । सुनसरीको धरान उप-महानगरपालिका-८ स्थित तीनकुनेबाट प्रहरीले पेस्तोल सहित १ जनालाई पक्राउ गरेको छ । विशेष सुराकीको आधारमा १ नम्बर प्रदेश प्रहरी कार्यालय बिराटनगर र अस्थाई प्रहरी पोष्ट तीनकुनेबाट खटिएको प्रहरी टोलीले १ थान स्वचालित पेस्तोल सहित सुनसरी बराह नगरपालिका-११ का ३५ बर्षीय श्यामदेव मण्डललाई पक्राउ गरेको हो । धरानबाट इटहरी तर्फ जाँदै गरेको को २८ प ७१८४ नम्बरको स्कुटरमा चेकजाँच गर्ने क्रममा मण्डलले कम्बरमा लुकाई राखेको अवस्थामा पेस्तोल सहित २ थान म्याग्जिन र १ राउण्ड गोली बरामद गरेको हो । पेस्तोल सहित पक्राउ परेका मण्डललाई इलाका प्रहरी कार्यालय धरानमा राखि थप अनुसन्धान भईरहेको प्रहरीले जनाएकाे छ ।
