उदयपुर, मंसिर १० ,
टिपरले ठक्कर दिँदा गएराति एकजनाको मृत्यु भएको छ। कसमस सिमेन्टको ढुंगा बोक्ने टिपरले ठक्कर दिँदा त्रियुगा नगरपालिका ७ चुहाडे कपसा बस्ने अन्दाजी १९ वर्षीय सोनाम राईको मृत्यु भएको प्रहरीले जानकारी दिएको छ।
जिल्ला प्रहरी प्रमुख एसपी चन्द्रदेव राईका अनुसार उदयपुरगढी गाउँपालिका वडा नं. ४ र ८ स्थित सरुनेबाट कसमस सिमेन्ट उद्योगको चुन ढुंगा टिफरले बोक्ने ठक्कर दिएको हो। ठक्कर दिने टिपर चालक फरार रहेको उनले बताए। चुन ढुंगा बोक्ने दुई दर्जन भन्दा बढी टिपरलाई नियन्त्रणमा लिएर अनुसन्धान थालेको उनको भनाइ छ।
