विराटनगर, १५ मङ्सिर । निर्मलाका निम्ति न्याय अभियान अन्तरगत विराटनगरमा पनि प्रदर्शन भएकाे छ। विराटनगरकाे ट्राफिक चोकमा भेला भएका युवा अभियानकर्मीले निर्मला पन्तको तस्बिर अंकित पर्चा तथा फ्लेक्स बोकेर शनिबार प्रदर्शन गरेका हुन् । जिल्ला ट्राफिक प्रहरी कार्यालयको भित्तामा पर्चा टाँसेर नाराजुलुससहित अघि बढेका युवाले ‘पोल पोलमा सरकार, टोलटोलमा बलात्कार’ र ‘बलात्कारीलाई फाँसी दे’ भन्ने नारासमेत लगाएका छन्। युवाको जुलुसलाई प्रहरीले कुनै अवरोध भने गरेन। अभियानमा सहभागी दिपेश धिमालले सरकार अन्धो र बहिरो भएकोले अन्यायमा परेकी निर्मलाको न्यायको लागि अभियान चलाएको बताए।
