विराटनगर, १६ मंसिर । प्यासिफिक एसिया सम्मेलनमा प्रदेश १ बाट कांग्रेस बाहेकका धेरै कम्युनिष्ट भिआईपी काठमाडौँमा लर्को लागेको छ । धर्म प्रचारकालागि गरिएको भनेर बिवादमा फसेको यो सम्मेलनका प्रदेश प्रमुख तथा मुख्यमन्त्री नै पुगे । प्रदेश नम्बर एकका मुख्य मन्त्री शेरधन राई, प्रदेश प्रमुख डा.गोबिन्द तुम्बाहाम्फे, प्रदेश सभामुख प्रदिप भण्डारी उप सभामुख सरस्वती पोखरेल सम्मेलनमा भाग लिन गएका थिए । मुख्यमन्त्री हिजै उद्घाटन कार्यक्रम पछि फर्किएको भनिएपनि अन्य सबै भिआईपी सम्मेलनमा भाग लिएका छन् ।
सामाजिक संजालमा समेत निक्कै विवादित बनेको बिषयमा प्रदेशका भिआईपी किन गए भन्ने बिषय थप चर्चामा आएको छ । प्रतिनिधिगत रुपमा जिल्लाबाट ४ जनासम्म सांसद भाग लिन गएका छन् । प्रदेश संसदहरु तेह्रथुमबाट लक्ष्मण तिवारी, संखुवासभाबाट तुलसी न्यौपाने, धनकुटाबाट कुसुम श्रेष्ठ, मोरङबाट राजकुमार ओझा र ज्ञानेश्वर राजबंशी सम्मेलनमा सहभागी छन् । त्यस्तै झापाबाट एकराज कार्की, श्रीप्रसाद मैनाली, जसमाया गजमेर र गोपाल चन्द्र बोढाथोकी गएका छन् ।यसैगरि एक नम्बर प्रदेशका बिभिन्न स्थानीय तहका प्रमुख र उपप्रमुखहरु पनि कार्यक्रममा सहभागि हुन गएका छन् । यो बाहेक राजनीतिक दलका पहुँचवाला नेताहरुको पनि सहभागि हुन पुगेका छन् । यसरी जानेमा अधिकांश नेकपाका सांसद तथा नेताहरु रहेका छन् ।
सम्मेलनको अध्यक्ष नै नेकपाका नेता माधवकुमार नेपाल भएकोले पनि नेकपाको मात्र बोलाईएको हुनसक्ने आशंका आम नागरिकमा छ ।
