राजविराज, १८ मङ्सिर । माछा मार्ने क्रममा नहरमा डुबेर बेपत्ता भएका सप्तरीका एक युवकको अवस्था अझै अज्ञात छ। डाकनेश्वरी नगरपालिका–३ स्थित कोसी पश्चिमी नगरमा डुबेर सोही ठाउँ कटैया निवासी २४ वर्षीय रामबाबु मुखिया बेपत्ता भएका थिए। उनी सोमबार बिहान नहरमा डुबेको प्रहरीले जनाएको छ। साथीसहित माछा मार्न नहरमा पसेका मुखिया पानीबाट ननिस्किएपछि खोजतलास सुरु भएको थियो। स्थानीयवासी, नेपाल प्रहरी, सशस्त्र प्रहरीको टोलीले युवकको खोजतलास गरिरहेको छ।
