खोटाङ,२० मङ्सिर। प्रहरीले डाँका मुद्दाका फरार प्रतिवादीलाई पक्राउ गरेको छ । पक्राउ पर्नेमा केपिलासगढी गाउँपालिका–५ बस्ने ३० वर्षीय राजेश राई रहेका छन् । खोटाङ जिल्ला अदालतको फैसलाले ६ वर्ष कैद र ९ लाख जरिवना हुने ठहर भएका डाँका मुद्दाका राईलाई मंगलबार जिल्ला प्रहरी कार्यालय खोटाङको प्रहरी टोलीले पक्राउ गरेको हो ।
निज प्रतिवादी राईलाई लुकीछिपी बस्दै आएको सूचनाको आधारमा पक्राउ गरी फैसला कार्यान्वयनको लागि जिल्ला अदालत खोटाङ पेश गरिएको छ । अदालतको आदेशले कैद भुक्तानको लागि बुधबार खोटाङ कारागार पठाइएको जिल्ला प्रहरी कार्यालय, खोटाङले जनाएको छ ।
