बिराटनगर मङ्सिर २२ ,
विराटनगर जुनियर जेसीजको आयोजनामा भएको अन्तर विद्यालय टेस्टी टेस्टी हाजिरी-जबाफ प्रतियोगिताको उपाधी इटहरी स्थित लिटल फ्लावर स्कुलले जितेको छ ।
विराटनगरस्थित विरेन्द्र सभागृहमा शुक्रवार भएको फाइनल प्रतियोगितामा ५ वटा प्रतिस्पर्धी विद्यालयलाई पछि पार्दै लिटल फ्लावर स्कुलले उपाधी जितेको हो । उपाधीसँगै लिटल फ्लावर स्कुलले नगद १५ हजार, ट्रफी र प्रमाण पत्र पाएको छ । प्रतियोगितामा सगरमाथा स्कुलले दोस्रो स्थान र एभरेष्ट स्कुलले प्रतियोगितामा तेस्रो स्थान रहन सफल भयो ।
विराटनगर जुनियर जेसीजको हरेक वर्ष हुने यस प्रतियोगितामा मोरङ र सुनसरी जिल्लाका ३६ वटा विद्यालयले सहभागिता जनाएका थिए । 
