काठमाडौँ, २२ मंसिर ।
बडो चाख अनि दर्शकको बेजोड साथका साथ द भ्वाइस अफ नेपाल एउटा विशुद्ध सांगितिक रियालीटी शोका रुपमा अघि बढिरहेको छ । विगतका केहि एपीसोडबाट भ्वाइस अफ नेपालले आफ्नो फेसबुक पेज मार्फत एउटा बिशेष प्रश्न सोधेर सही उत्तर दिने बिजेतालाई एउटा गीतार प्रदान गर्दै आएको छ ।
यसपालाको द भ्वाइस अफ नेपालमा द भ्वाइसका टप ८ सेमीफाइनलीस्ट छान्ने छ र यसै छनौटमा छन् टिम अभयाका २ जना अति लोकप्रीय ट्यालेन्ट कुशल आचार्य र अनु शाक्य । दुबै दमदार ट्यालेन्टमा आज को छनौट हुनेछ भन्ने आजको प्रश्न रहेको छ । द भ्वाइसको फेसबुक पेजमा हजारौंको संख्यामा दर्शकले यी प्रश्नको उत्तर दिइरहेका छन् ।
