बिराटनगर मङ्सिर २३ , विराटनगर जुनियर जेसिजको बर्ष २०१९ को अध्यक्षमा दीपा ओडारी निर्विरोध निर्वाचित भएकी छिन ।
उनि जुनियर जेसिजको दोश्रो महिला अध्यक्ष भएकी छिन । यसअघि विराटनगर जुनियर जसिजको महिला अध्यक्ष चण्डिका भण्डारी भएकी थिइन् ।
बिराटनगर जुनियर जेसिजको निर्वाचनले ओडारीको अध्यक्षतामा १३ सदस्यीय कार्यसमिति निर्वाचित गरेको छ ।
सस्थाको महासचिवमा प्रिन्स पौडेल, कार्यकारीणी उपाध्यक्षमा प्रशंका पौडेल र रितेश मैनाली उपाध्यक्षमा गौरव कर्ण, मुकेश यादव र चन्दा खङ, कोषाध्यक्षमा विकल्प न्यौपाने र सहसचिवमा दीपा रेग्मी निर्वाचित भएको निर्वाचन आयुक्त सनराईज चौधरीले जानकारी दिए ।
बिराटनगर जुनियर जेसिजको कानुनी सल्लाहकारमा जिना शर्मा, तालिम प्रशिक्षकमा अंकित थापा मगर र जनसम्पर्क अधिकारीमा गरिश्मा कोइराला चयन भएकी छिन ।