विराटनगर, २४ मंसिर ।
संघीय सरकाररमा देखिएको असहजताका कारण सोको प्रभाव प्रदेशमा समेत देखा परेको एक नम्बर प्रदेशका सामाजिक विकास मन्त्री जिवन घिमिरेले बताएका छन् ।
संक्रमणकालीन अवस्थाबाट पार पाउन नसक्दा नयाँ नीति र नियम तर्जुमा गरी कार्यान्वयनमा ल्याउन कठिनाई भएको बताउँदै मन्त्री घिमिरेले प्रदेश सरकारले जनताको चाहना बमोजिमको आशातित कार्य सम्पादन गर्न नसकेको स्वीकार गरे । सुनसरीको इनरुवामा आयोजित एक कार्यक्रमलाई सम्बोधन गर्दै मन्त्री घिमिरेले अवस्था सदैव एउटै प्रकृतिको नरहने भन्दै ओली सरकारले केही गरेन भनेर अत्तालिहाल्नु पर्ने अवस्था नरहेको बताए ।
घिमिरेले पुरानो ढाँचा र संरचनालाई परिवर्तन गर्दै नयाँ ऐनमा परिमार्जित गरेर कामकाजलाई तिव्रता दिनेगरी प्रदेश सरकार लागिपरेको समेत बताए ।
