विराटनगर, २३ मंसिर ।
रौनियार सेवा समाज विराटनगरको अध्यक्षमा पुनः रामनरेश साह रौनियार चयन भएका छन् । समाजको विराटनगरमा सम्पन्न भएको ८ औं वार्षिक साधारण सभाबाट रामनरेश सर्वसम्मत रुपमा अध्यक्षमा तेस्रो पटक चयन हुनुभएको हो ।
१७ सदस्यीय नयां कार्यसमितिको उपाध्यक्षमा अवधनारायण साह, सरस्वती देवी रौनियार, महासचिब जुगलप्रसाद गुप्ता, सहसचिब रंजित गुप्ता र कोषाध्यक्षमा रामलखन साह रौनियार रहेका छन् । समितिको अन्य सदस्यहरूमा बैजनाथप्रसाद गुप्ता,देवेन्द्र साह लगायत छन् । रौनियार सेवा समाज विराटनगरमा ६ सय घरपरिवार सदस्यहरू आवद्ध छन् । सो संस्थाले समुदायको समाजिक उत्थानको अभियान चलाउनुका साथै भ्रुण हत्या बिरुद्ध सचेतना अभियान चलाउदै आएको छ ।
