संखुवासभा, २३ मंसिर । संखुवासभाको खाँदबारी नगरपालिका-६ काे मयम भन्ने स्थानमा आइतवार अवैध गर्भधारणबाट जन्मिएको शिशुको हत्या गरेको आरोपमा प्रहरीले १ महिलालाई पक्राउ गरेको छ । अवैध गर्भधारण गरी शिशुको हत्या अभियोगमा सोही ठाउँ की स्वर्गीय टंकमान राईको श्रीमती बर्ष ३७ की फुलमाया राईलाई पक्राउ गरिएको जिल्ला प्रहरी कार्यालय संखुवासभाले जनाएको छ । आइतवार रातको समयमा राईले बच्चा जन्माएर हत्या गरि डोकोमा राखेर फाल्न लागेको अवस्थामा स्थानीयले देखेपछी प्रहरीमा खबर गरेका थिए ।
घटनाको जानकारी पाउनासाथ तत्काल जिल्ला प्रहरी कार्यालयबाट गएकाे प्रहरी टोलीले राईलाई नियन्त्रणमा लिएकाे हाे । शिशुको शव पोष्टमार्टमको लागि जिल्ला अस्पताल खाँदवारी पठाईएको छ भने घटनाकाे बारेमा थप अनुसन्धान भईरहेको प्रहरीले जनाएकाे छ ।
