विराटनगर २८ मंसिर । सुनसरीको धरानबाट प्रहरीले गोरु काटेको आरोपमा आज १० जनालाई पक्राउ गरेको छ । बिहान ६ बजेको समयमा धरान उप(महानगरपालिका(१७ लोसे भन्ने ठाउँमा गोरु काटिरहेको अवस्थामा धरान(३ बस्ने बर्ष २८ को राजेश खड्गी, राजेन्द्र खड्गी, आशिष खड्गी, धरान(११ बस्ने अनिल शाही, अनिष शाही, सुनसरी भोक्राह नर्सिङ(३ बस्ने बहिस मियाँ, रिजमान मियाँ, शाहदत्र मनसुरी, आशिक मनसुरी र महमुदी मनसुरीलाई पक्राउ गरेको हो । बिशेष सुराकीको आधारमा इलाका प्रहरी कार्यालय धरानबाट खटिएको प्रहरी टोलीले ४ वटा गोरु काट्दै गरेको अवस्थामा फेला पारी बरामद गरेको हो । उक्त स्थानबाट प्रहरीले गोरुको २ वटा टाउको बरामद गरेको छ भने पक्राउ परेका १० जनालाई नै इलाका प्रहरी कार्यालय धरानमा राखि थप अनुसन्धान भईरहेको उक्त प्रदेश नम्बर एक प्रहरी कार्यालय विराटनगरले जनाएको छ ।
