महेश केसी
रूकुम पश्चिम : रुकुम पश्चिमको मुसिकोट नगरपालिका–१२ जुम्लाबाङस्थित बिहे भोज खान गएका तीनजना स्थानीय मृत फेला परेका छन् ।
मुसिकोट नगरपालिका–११ का ४८ वर्षीय कमानसिंह सार्की, वडा नं १२ का २१ वर्षीय पलबहादुर बिक र सानिभेरी गाउँपालिका–९ का ६३ वर्षीय खम्मु कामीको मृत्यु भएको हो ।
स्थानीय अमर बिकको छोरा बिहेमा गएका उनीहरु सुतेकै स्थानमा सोमबार बिहान मृत भेटिएका हुन् । घटनाबारे स्थानीयले जानकारी गराएपछि जिल्ला प्रहरी प्रमुख सुमित खड्का नेतृत्वको प्रहरी टोली घटना स्थलमा पुगेको छ ।
के कारणले मृत्यु भएको भन्ने अहिलेसम्म खुलेको छैन । घटनाबारे प्रहरीले अनुसन्धान गरिरहेको बताएको छ ।
