विराटनगर, ५ पुस। नागरिकता किर्ते मुद्धामा फरार रहेका ६ जनालाई प्रहरीले पक्राउ गरेको छ । जिल्ला अदालत मोरङबाट जरिवाना सजाय भई फरार रहेका मोरङकाे जहदा गाउँपालिका-२ बस्ने बर्ष ३८ को रामप्रित पासवान, बर्ष ५५ को पन्चु साह, बर्ष ६५ को सुर्य नारायण साहतेली, बर्ष ५५ को डोमी पासवान, बर्ष ३५ को श्रवण कुमार साह र बर्ष ४५ को रविलाल मण्डललाई पक्राउ गरेको हो । उनीहरुलाई जिल्ला अदालत मोरङले २०७१ साल साउन १६ गतेको फैसलाले जनही २५ हजार रुपैयाँ जरिवाना सजाए तोकेको थियो । सूचनाको आधारमा प्रहरी चौकी मझारेबाट खटिएको प्रहरी टोलीले मोरङ जहदा गाउँपालिका-२ मा लुकिछिपी रहेको अवस्थामा उनीहरुलाई पक्राउ गरिएकाे माेरङका डिएरपी घनश्याम श्रेष्ठले जानकारी दिए । ६ जनालाई नै आज अदालतमा उपस्थित गराएकाे उनकाे भनाई छ ।
