सिराहा । सिराहामा एक किलोग्राम अवैध चाँदीसहित दुईजना पक्राउ परेका छन् । पक्राउ पर्नेमा सिराहा नगरपालिका–८ महिसोथाका ४० वर्षीय रामबाबु साह र २० वर्षीय पंकज कुमार साह रहेका छन् ।
ईलाका प्रहरी कार्यालय माडरको टोलीले भारतको जयनगरबाट सिराहातर्फ आउँदै गरेको ना.५७ प ६५३९ नम्बरको मोटरसाइकल जाँच गर्नेक्रममा उनीहरुलाई पक्राउ गरेको हो । उनीहरुको साथबाट १ किलो, नेपाली ४३ हजार ४ सय ६० रुपैयाँ र भारतीय ५ सय ६० रुपैयाँ बरामद भएको प्रहरीले जनाएको छ ।
