ईलाम, ८ पुस । इलामको सूर्योदय नगरपालिका ५ ओरेन्जीभ्यालीमा आगलागी हुँदा १० लाख मूल्य बराबरको क्षति भएको छ। स्थानीय लोक बहादुर लिम्बुको भान्सा घरमा सुरु भएको आगोले उनको र बलबहादुर लिम्बुकोसमेत घर जलेको प्रहरीले जनाएको छ। आगलागीका कारण दुवै घरमा भएको सम्पूर्ण सर–सामान जलेर नष्ट भएको छ। प्रहरी र स्थानीवासीको सहयोगमा आगो नियन्त्रणमा लिइएको जिल्ला प्रहरी कार्यालय इलामले जनाएको छ।
