बिराटनगर पुष १३ ,
सामाजिक संजाल फेसबुकमा एउटा यस्तो समुह छ जसले एकजुट भएर बिभिन्न सामाजिक काम गर्दै आएको छ । "वोमन्स रुम रिलोडेड" (डब्लूआरआर) नाम गरेको समुहका मोरङ जिल्लाका युवतीहरुले तराईको चिसोबाट पिडित सुनसरीको पकलीस्थित राम जानकी शान्ति वृद्धाआश्रममा न्यानो कपडा साथै खानेकुरा वितरण गरेका छन् ।
शुक्रबार एक कार्यकमबीच डब्लूआरआर मोरङका युवतीहरुको समुहले उक्त आश्रममा गएर सहयोग गरेको समुहकि सदस्य मनिला सुबेदीले आवर बिराटनगरलाई जानकारी दिईन ।
उनीहरुले बिभिन्न ठाउँमा चटपटे बेचेर साथै हरेक सदस्यबाट दिनको १ रुपैया उठाएर बिभिन्न सामाजिक काम गर्दै आएको अर्की सदस्य स्वर्णीमा मास्केले जानकारी दिईन ।
