खोटाङ, १५ पुस । खोटाङमा एउटी युवती मृत अवस्थामा फेला परेकी छन् । साकेला गाउँपालिका–४, मातिमकी १९ वर्षीय अस्मिता राई मृत फेला परेको प्रहरीले जनाएको छ । शनिबार बिहान घाँस काट्नका जंगलमा गएकी राई अबेरसम्म नफर्किएपछि खोजी गर्दा नजिकैको जंगलमा मृत अवस्थामा फेला परेको आफन्तलाई उद्धृत गर्दै जिल्ला प्रहरी कार्यालय खोटाङले जनाएको छ ।
राईको शवलाई आइतबार जिल्ला अस्पताल दिक्तेल ल्याएर पोष्टमार्टम गरी आफन्तलाई जिम्मा लगाइएको प्रहरीले बताएको छ ।
