ईटहरी, १७ पुस ।
नेपाल रेड्क्रस सोसाईटी उपशाखा इटहरीले सरस्वती सदन माध्यमिक विद्यालय इटहरीका विद्यार्थीलाई स्वीटर वितरण गरेको छ । जाडोको कारण पठनपाठनमा समस्या नहोस भनेर नेपाल रेड्क्रस सोसाइटी इटहरीले एक सय विद्यार्थीलाई स्वीटर वितरण गरेको हो । जाडोको समयमा बालबालिकाहरु प्रभावित हुने गरेको तर्फ मध्यनजर गर्दै विद्यालयमा स्वीटर वितरण गर्दै आएको रेड्क्रस इटहरीका सभापति विमल पौडेलले वताउनुभयो । विद्यालयमा अध्ययनरत ४ सय ३२ विद्यार्थीमध्ये आवश्यकताका आधारमा विद्यार्थीहरु छनौट गरी रेड्क्रसले एक सय जना विद्यार्थीहरुलाई स्वीटर वितरण गरेको हो । कार्यक्रममा नेपाल रेडक्रस सोइसाइटी सुनसरीका मन्त्री मुकुल कायस्थ, विद्यालयका प्रधानाध्यपाक बासुदेव कर्णलगायतले विद्यार्थीहरुलाई स्वीटर वितरण गर्नुभएको थियो । मकालु टेलिभिजन
