ईलाम, १७ पुस। ईलामको फाकफोकथुम गाउँपालिका-१ लुम्सुङदानमा सवारी दुर्घटना हुँदा १ जनाको मृत्यु भएको छ । लुम्सुङदानबाट ईलाम तर्फ आउदै गरेको मे.१.ज. १७८६ नं को बलेरोलाई सोही स्थान बस्ने बर्ष ७२ का सोम प्रसाद दुलालले उकालोमा रोकेर चढ्ने क्रममा अचानक गाडीको ब्रेक फेल भई अनियन्त्रित भएर सडकमा पल्टिई सोही वलेरोले किच्दा सोम प्रसाद दुलालको घट्नास्थलमानै मृत्यु भएको जिल्ला प्रहरी कार्यालय ईलामले जनाएको छ । मृतकको शव कानूनी प्रकृया पुरा गरी पोष्टमार्टमको लागि पाँचथरको रवि पठाइएको छ भने गाडी चालक ईलाम फाकफोकथुम गाउँपालिका-१ बस्ने बर्ष २७ को सन्तोष पौडेल प्रहरी चौकी आमचोकको नियन्त्रणमा रहेका छन् ।
