भद्रपुर पुष २०। एकल महिलालाइ जस्तैगरी यहाँकाे झापा गाउँपालिकाले एकल पुरुषलाई पनि सामाजिक सुरक्षा भत्ता दिँदै आएको छ । गत अार्थिक वर्षदेखि नै गाउँपालिकाले ६० वर्ष माथिका एकल पुरुषलाई सामाजिक सुरक्षा भत्ता दिँदै अाएकाे छ ।
गाउँपालिकाका प्रमुख प्रशासकीय अधिकृत चोलेन्द्र दङ्गालका अनुसार उनीहरूलाइ भत्तावापत मासिक रु ५०० का दरले भत्ता दिइँदै अाएकाे छ ।
‘एकल महिलाजस्तै एकल पुरुषलाई पनि समस्या हुन्छ, असहाय एकल पुरुषलाई व्यक्तिगत गर्जो टार्न सजिलो होस् भनेर भत्ता दिन थालेका हौँ,’ उनले भने ।
गाउँपालिकाले गत वर्ष ४८ एकल पुरुषलाई मासिक रु ५०० का दरले भत्ता प्रदान गरेकोे थियो । त्यसैगरी ८४ वर्षमाथिका ११८ वृद्धवृद्धालाई सरकारले प्रदान गर्दै आएको सामाजिक सुरक्षा भत्तामा पनि मासिक रु ५०० थपेर प्रदान गर्दै आएको पनि अधिकृत दङ्गालले बताएका छन् ।
