विराटनगर, २१ पुस । विराटनगर महानगरपालिका-९ महेन्द्र चौकबाट प्रहरीले लागूऔषध सहित १ महिलालाई पक्राउ गरेको छ । लागूऔषध डाईलेक्स डि.सी. अढाई लिटर, डाईजेल्याब, नुफिन र फेनारगन १५० एम्पुल सहित मोरङ धनपालथान गाउँपालिका-६ घर भई बिराटनगर महानगरपालिका-९ बस्ने बर्ष ३५ की मीना रामलाई प्रहरीले पक्राउ गरेकेा हाे । विशेष सुराकीको आधारमा लागूऔषध नियन्त्रण ब्यूरो विराटनगरबाट खटिएको प्रहरी टोलीले बोतलबाट खाने तेलको ग्यालेनमा भरेर राखेको र कागजमा पोको पारेर लुकाई छिपाई राखेको अवस्थामा फेला पारी बरामद गरेको हो । लागूऔषध सहित पक्राउ परेकी रामलाई जिल्ला प्रहरी कार्यालय मोरङमा राखि थप अनुसन्धान भईरहेको छ ।
