सुनसरी, २३ पुस। प्रदेश सभा- १ का सभामुख प्रदिपकुमार भण्डारीले धरानका लागि २ करोड रुपैयाँ रकम विनियाेजन गरेका छन् । सुनसरी क्षेत्र नम्बर १ को (क) क्षेत्रबाट निर्वाचित प्रदिपकुमार भण्डारीले १६ वटा योजना छनौट गरी रकम विनियोजन गरिएकाे जानकारी दिए। विनियोजन गरेको २ कोड रुपैयाँ अधिकांश मोटरबाटो निर्माणमा परेको छ। सभामुख भण्डारीले धरान १९ को मुनामदन मार्ग, कृष्णपथ, १३ को सूर्य मार्ग र ५ को देउराली पथको सडक तथा ड्रेन निर्माणका लागि २५-२५ लाख रकम विनियोजन गरेका छन्।
उनले धरान ९, १० र १२ को खहरे खोला नियन्त्रण तथा पक्की पुल निर्माणका लागि २४ लाख विनियोजन गरेका छन्। त्यस्तै, धरान १० को धर्मपथ लुपमार्ग, १५ को निराजन बस्ती हुँदै खत्रीधारा जाने बाटो, ५ को कुलुङ मार्ग र ६ को पानवारी–इटहरी सडक तथा ड्रन निर्माणका लागि १०-१० लाख विनियोजन गरेका छन्।
धरान ३ को सिंहदेवी मन्दिर मर्मत, ४ को खैरेनीटार जोड्ने सडक, रेडक्रस भवन मर्मत र १५ को निशान मार्ग सडक तथा ड्रेन निर्माणका लागि ७-७ लाख रकम विनियोजन गरेका छन् छ। धरान १५ को सूर्यज्याेति पठको सडक कालोपत्रे गर्न र ७ को लीलामार्गको रेलिङ र वाल निर्माणका लागि ५-५ लाख रुपैयाँ बजेट विनियोजन गरेको सभामुख भण्डारीले बताएका छन्। उनले आफ्नो निर्वाचन क्षेत्र पूर्वाधार विकास कार्यक्रमअन्तर्गतकाे रकम आफ्नो क्षेत्रको विकास निर्माणका लागि विनियोजन गरेको बताए।
