धरान पुष २७ । सुनसरीको धरानबाट वेपत्ता भएका एक युवा रामधुनी नगरपलिका–७ मा मृत फेला परेका छन् ।
गत पुस २१ गतेदेखि घरबाट वेपत्ता भएका धरान १७, शान्ति टोलका १८ बर्षीय छिरिङ तामाङ बुधबार साँझ रामधुनी नगरपालिका ७ मा मृत फेला परेका हुन् ।
प्रहरीका अनुसार छिरिङको शव सुनसरी सामुदायिक वनभित्रको लटरहोली जंगलमा रहेको जरुवा पानीको कुलोमा फेला परेको थियो ।
शवलाई मृतकका परिवारजनले पिहिचान गरे पछि आज परिवारलाई जिम्मा लगाइएको थियो । उनी ४ दिनदेखि बेपत्ता भएपछि परिवारले खोजी गरिरहेका थियो । मृत केही सुस्त मनस्थिति भएको बताइएको छ ।
