सुनसरी, १ माघ । सुनसरी सदरमुकाम इनरुवामा जारी मनमोहन स्मृति एक दिवसीय राष्ट्रिय क्रिकेट प्रतियोगिताअन्तर्गत साेमबारकाे खेलमा प्रदेश नम्बर ५ विजयी भएको छ । इनरुवा खेल मैदानमा सम्पन्न खेलमा प्रदेश नम्वर ५ ले भारतीय क्रिकेट क्लब सुपौललाई २३ रनले पराजित गरेको हाे । २ सय ५४ रनको लक्ष्य पछ्याएको भारतीय टिमलाई ४९ दशमलव १ ओभरमा २ सय ३० रनको स्कोरमा अलआउट पार्दै २३ रनको जित निकालेको प्रदेश नम्वर ५ ले गु्रप सी अन्र्तगतकोे खेलमा बिजयी सुरुवात गरेको हो । खेलको म्यान अफ द म्याच रुपेश कुर्मी घोषित भए । प्रतियोगिताअन्र्तगत आजको खेल प्रदेश नम्वर ७ र प्रदेश नम्वर ५ बिच हुनेछ ।
